Oktyabrın 24-dən 25-nə keçən gecə Sudanda növbəti hərbi çevriliş olub.
Senzor.az yerli KİV-ə istinadən bildirir ki, paytaxt Xartumu ələ keçirən ordu hissələri generalları dəstəkləməkdən imtina edən Baş nazir Abdalla Hamduku ev dustaqlığına alıblar. Eyni zamanda, 4 nazir və bir neçə parlament üzvü həbs edilib.
“Al Hadath” telekanalının məlumatına görə, paytaxta bütün girişlər və körpülər bağlanıb, hökumət və parlament binaları mühasirəyə alınıb, Xartum Beynəlxalq Hava Limanı fəaliyyətini dayandırıb.
"Al Arabiya" telekanalı isə ölkənin paytaxtında mobil əlaqə və internetin tamamilə kəsildiyi barədə xəbər yayıb.
Yaxın vaxtlarda ölkənin Suveren Şurasının rəhbəri Abdel Fəttah əl-Burxanın bəyanat verəcəyi gözlənilir.
Yeri gəlmişkən, paytaxtda kütləvi həbslərin əl-Burxanın Baş nazir Abdullah Hamdukla görüşündən sonra başladığı bildirilir.
