“Azərbaycan-Ermənistan sülh prosesində əldə ediləcək irəliləyiş Qafqazın çiçəklənməsi üçün həlledici olacaq”.
Senzor.az TRT-yə istinadən bildirir ki, bunu Türkiyənin xarici işlər naziri Hakan Fidan Vaşinqtonda ABŞ Prezidentinin milli təhlükəsizlik məsələləri üzrə müşaviri Ceyk Sallivanla görüşündə deyib.
Görüşdə Azərbaycan-Ermənistan münasibətlərinin normallaşması barədə müzakirələr aparılıb.
Tərəflər, həmçinin Rusiya-Ukrayna müharibəsi və Qəzzada atəşkəslə bağlı fikir mübadiləsi aparıblar. Qəzzada ən qısa zamanda atəşkəsin elan edilməsi və bölgəyə çatan humanitar yardımların artırılmasının vacibliyi qeyd edilib.
Bununla yanaşı, Türkiyənin Suriyadakı terror təşkilatlarına qarşı mübarizədə qətiyyəti vurğulanıb. ABŞ-ın bu məsələdə müttəfiqlik ruhuna uyğun hərəkət etməli olduğu bildirilib.
