Macarıstanın Baş naziri Viktor Orban Floridadakı Mar-a-Laqo malikanəsində keçmiş ABŞ prezidenti Donald Trampla görüşüb.
Senzor.az yerli KİV-ə istinadən bildirir ki, bu barədə Baş nazirin mətbuat katibi Bertalan Havaşinin məlumat verib.
Məlumata görə, onların görüşü bir saat davam edib.
Orban və Trampın hansı mövzuları müzakirə etdiklərini açıqlanmasa da, ABŞ-a səfərdən əvvəl Macarıstan rəsmiləri Ukraynadakı vəziyyəti və iki ölkə arasındakı münasibətləri nəzərdən keçirəcəklərini bildiriblər.
Macarıstan hökuməti Trampın noyabr seçkilərində qalib gəlməsini və Ağ Evə qayıtmasını arzuladığını gizlətmir. Orban ABŞ-ın keçmiş prezidentinin Ukrayna münaqişəsini həll edəcəyinə ümid bəsləyir.
