2024-cü ilin martında, adətən Prezident Vladimir Putinin və Rusiyanın digər yüksək vəzifəli şəxslərinin uçduğu “Rusiya” xüsusi uçuş dəstəsinin təyyarəsində bir neçə nasazlıq müşahidə edilib.
Bu barədə “VÇK-OQPU” Teleqram kanalı mənbələrinə istinadla məlumat yayıb.
“Rusiya”nın aerodrom xidmətinə yaxın mənbələrin məlumatına görə, martın 6-da TU-214 təyyarəsi Vnukovo hava limanında eniş edərkən yan şassilərdən birinin əyləc blokları qırılıb və buna görə təyyarə az qala zolaqdan çıxacaqmış.
Bildirilib ki, həmin vaxt təyyarədə ezamiyyətdən qayıdan Rusiya Federal Mühafizə Xidmətinin və Prezidentin Protokol Xidmətinin əməkdaşları olublar.
