Ukrayna Prezidenti Volodimir Zelenski və Almaniya Kansleri Olaf Şolts arasında telefon danışığı olub.
Senzor.az yerli KİV-ə istinadən bildirir ki, bu barədə Almaniya hökumətinin sözçüsü Şteffen Heberştayt məlumat verib.
Onun sözlərinə görə, O.Şolts ilə söhbətində Zelenski Rusiyanın son hücumlarının nəticələrindən danışıb və Almaniya federal hökumətinə hərbi dəstəyə, xüsusən də Ukraynanın hava hücumundan müdafiəsini gücləndirdiyinə görə təşəkkür edib.
Öz növbəsində Kansler Almaniyanın Ukrayna ilə sarsılmaz həmrəyliyini təsdiqləyib və əmin edib ki, Berlin Avropa və beynəlxalq tərəfdaşlarla sıx koordinasiyada Kiyevi hərbi sahədə dəstəkləməyə davam edəcək.
