Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Pekində Pakistanın Çindəki səfiri Xəlil Haşmi (Khalil Hashmi) ilə görüşüb.
Bu barədə o, "X"də yazıb.
"Pakistanın milli bayramı münasibətilə təbriklərimi çatdırdım və Azərbaycan ilə Pakistan arasında dostluq və əlaqələrin möhkəmləndiyini bir daha vurğuladım",- Prezidentin köməkçisi əlavə edib.
**09:56
Azərbaycan Respublikası Prezidentinin köməkçisi Hikmət Hacıyev Çinə səfəri çərçivəsində bu ölkənin ekologiya və ətraf mühit nazirinin müavini Çjao İnminlə görüşüb.
Senzor.az bildirir ki, H.Hacıyev bununla bağlı “X” sosial şəbəkəsindəki hesabında paylaşım edib.
Görüşdə COP29-la əlaqədar qarşıda duran məsələlərlə bağlı, iqlim ədaləti, ümumi, lakin fərqli məsuliyyətlər konsepsiyası və Qlobal Cənub ölkələrinin iqlim fəaliyyətinə və yaşıl keçidə baxışları ilə əlaqədar geniş müzakirələr aparılıb.
Azərbaycanda yaşıl keçid proqramı çərçivəsində Çin şirkətləri ilə əməkdaşlıq yüksək qiymətləndirilib.
