Futbol üzrə Azərbaycan millisi Bakıda ilk dəfə təşkil olunan “FIFA series – Edition 2024” layihəsi çərçivəsində sonuncu oyununu keçirib.
Senzor.az bildirir ki, yığmamız Tofiq Bəhramov adına Respublika Stadionunda Bolqarıstan seçməsini qəbul edib.
Görüş 1:1 hesablı heç-heçə ilə yekunlaşıb.
Matçda hesabı 59-cu dəqiqədə qonaqların heyətində Filip Krastev açıb. Komandamızın heyətində yeganə qola isə 87-ci dəqiqədə Musa Qurbanlı imza atıb.
Digər görüşdə isə Tanzaniya seçməsi Monqolustan yığmasını 3:0 hesabı ilə məğlub edib.
Qeyd edək ki, Arif Əsədovun başçılıq etdiyi kollektiv turnir çərçivəsindəki ilk matçında Monqolustana 1:0 hesabı ilə qalib gəlib.
Bu gün “FIFA series – Edition 2024” layihəsi çərçivəsində Azərbaycanın futbol üzrə milli komandası Bolqarıstan yığması ilə qarşılaşacaq.
Senzor.az bildirir ki, Tofiq Bəhramov adına Respublika Stadionunda keçiriləcək matç saat 20:00-da start götürəcək.
Görüşü estoniyalı hakim Kristo Tohver idarə edəcək.
Saat 17:00-da başlayacaq digər oyunda isə Tanzaniya və Monqolustan seçmələri qarşılaşacaqlar.
Qeyd edək ki, “FIFA series – Edition 2024” layihəsi çərçivəsində Azərbaycan yığması Monqolustan seçməsini 1:0, Bolqarıstan isə Tanzaniyanı eyni hesabla məğlub edib.
