Ermənistan Daxili İşlər Nazirliyi (DİN) sosial şəbəkələrdə İrəvanın mərkəzində guya azərbaycanlı diversantın saxlanılması ilə bağlı yayılan xəbərləri təkzib edib.
"Sputnik-Armeniya" xəbər verir ki, bu barədə Ermənistan DİN-in mətbuat xidməti məlumat yayıb.
Qeyd edilib ki, İrəvanın mərkəzində polis rusiyalı turisti onun üzərində narkotik maddənin olmasında şübhəli bilərək saxlayıb.
Hadisə ötən gün axşam saatlarında baş verib. Lakin onun üzərindən narkotik maddə tapılmayıb. Məlum olub ki, o, Ermənistana turist kimi gəlib.
