Ukrayna Prezidenti Volodimir Zelenski Xarkov vilayətində istehkamların tikintisinə baxıb.
Senzor.az bildirir ki, dövlət başçısı bu barədə Telegram-dakı müraciətində məlumat verib.
"Bu istiqaməti gücləndirmək çox vacibdir", - Zelenski qeyd edib.
Prezidentin sözlərinə görə, o, Rusiya ordusunun hücumlarından sonra bölgənin qorunması və normal həyatın bərpasına cavabdeh olan hər kəslə görüş keçirib.
“Biz enerji obyektlərinin fiziki mühafizəsi və şəbəkələrin bərpası barədə məlumat vermişdik. İndi elektrik enerjisi çatışmazlığını azaltmaq üçün bütün lazımi şərait yaradılır”, - deyə Zelenski vurğulayıb.
Dövlət başçısı həmçinin bildirib ki, məmurlar ayrı-ayrılıqda şəhər və rayona mövcud enerji problemlərinin öhdəsindən gəlməyə kömək etmək üçün çalışırlar. “Düzgün təkliflər var, biz maliyyələşdirəcəyik. Rəsmilər bütün təfərrüatları ictimaiyyətə açıqlayacaqlar”, - Prezident əlavə edib.
Onun sözlərinə görə, “Rusiyanın məqsədi tamamilə aydındır - onlar insanları Xarkovdan, regiondan sıxışdırmaq üçün hər şeyi etmək istəyirlər”.
Senzor.az
