Türkiyə polisi və jandarmı ölkənin 40 əyalətində kütləvi reydlər keçirib, İŞİD terror qruplaşmasının və PKK-nın fəaliyyətində iştirak etməkdə şübhəli bilinən 200-ə yaxın şəxs saxlanılıb.
Senzor.az bildirir ki, bu barədə ölkənin daxili işlər naziri Ali Yerlikaya "X" sosial hesabında məlumat verib.
"Ölkənin altı əyalətində Baş Təhlükəsizlik İdarəsinin kəşfiyyat və terrorla mübarizə departamentinin əməkdaşlarının koordinasiyalı hərəkətləri ilə polis qüvvələri tərəfindən İŞİD terror təşkilatına qarşı əməliyyatlar aparılıb. Adana, Aydın, Çorum, Qaziantep, Kayseri və Mersin əyalətlərində 38 şübhəli saxlanılıb. Çoxlu sayda rəqəmsal material və xarici valyutada və böyük məbləğdə türk lirəsi müsadirə olunub", - deyə nazir yazıb.
PKK-ya qarşı reydlər 34 vilayətdə, o cümlədən Ankara, Antalya, İzmir, İstanbulda, habelə Türkiyənin şərqində və cənub-şərqində bir çox bölgələrdə keçirilib. "Əməliyyatlar Baş Prokurorluq, Jandarm Baş İdarəsi və Təhlükəsizlik Baş İdarəsi arasında koordinasiya olunaraq keçirilib. PKK terror təşkilatına kömək etməkdə və ya onun tərkibində fəaliyyət göstərməkdə şübhəli bilinən 147 nəfər saxlanılıb", - o əlavə edib.
Saxlanılanların bir qismi 2022-ci ildə Türkiyə sərhədini qanunsuz olaraq keçərək ölkə ərazisində fəaliyyət göstərən PKK üzvlərinə yardım göstərməkdə şübhəli bilinir.
