Tbilisidəki Avropa meydanında “Xarici təsirin şəffaflığı haqqında” qanun layihəsinə qarşı on minlərlə insanın iştirak etdiyi nümayiş başa çatıb.
Senzor.az yerli KİV-ə istinadən bildirir ki, etirazçılar ərazini tərk edirlər.
Bundan əvvəl təşkilatçılar səhnədən nümayişçiləri mayın 12-də saat 22:00-da parlamentin qarşısına gəlməyi, üstəlik özləri ilə hər ehtimala qarşı
gecə ərzində yağış paltarı, telefon yükləmə cihazı, su və lazım olan bütün ləvazimatları gətirməyi tapşırıblar.
**22:56 (11.05.2024)
Gürcüstanın paytaxtı Tiflisdə növbəti etiraz aksiyası keçirilir.
Senzor.az yerli KİV-ə istinadən bildirir ki, minlərlə etirazçı paytaxtın Avropa meydanına doğru yürüş edir.
Aksiyaçılar “Rusiya qanununa yox” şüarı səsləndirirlər.
Polis yol boyu insanların hərəkətinə hələlik mane olmayıb.
Xatırladaq ki, aprelin 15-dən Tbilisidə müxalifət və vətəndaş fəalları “xarici agentlər haqqında” qanunun qəbuluna qarşı mitinqlər keçirir. Bir neçə dəfə nümayişlər təhlükəsizlik qüvvələri ilə toqquşmaya çevrilib; xüsusi təyinatlılar Gürcüstan parlamenti yaxınlığında etirazçıları dağıtmaq üçün bibər qazı və su şırnaqlarından istifadə ediblər.
Qanunun üçüncü oxunuşda qəbulu gələn həftə gözlənilir.
