“Şimal-Cənub” Beynəlxalq Nəqliyyat Dəhlizi Rusiya Prezidentinin böyük Avrasiya məkanının formalaşdırılması üzrə təşəbbüsünün həyata keçirilməsində əsas həlqələrdən birinə çevriləcək.
Bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova deyib.
“Güman edilir ki, bu marşrut Baltik və Arktikadakı limanları Fars körfəzi və Hind okeanı sahillərindəki limanlarla birləşdirəcək və Rusiya Prezidentinin böyük Avrasiya məkanının formalaşdırılması üzrə təşəbbüsünün həyata keçirilməsində əsas həlqələrdən birinə çevriləcək”, - o qeyd edib.
M.Zaxarova vurğulayıb ki, Rusiya qonşu ölkələr, o cümlədən Cənubi Qafqaz dövlətləri ilə nəqliyyat və logistika əlaqələrinin qurulmasına böyük diqqət yetirir: “Biz qonşularımızla güclü ticari-iqtisadi əlaqələr qurmuşuq. Ermənistan-Azərbaycan münaqişəsi də Cənubi Qafqazda bu məsələyə əsas maneə idi”.
