Meksikada bazar günü keçiriləcək prezident seçkilərində namizədlərin təşviqat kampaniyası rəsmən başa çatıb.
Senzor.az yerli KİV-ə istinadən bildirir ki, ölkə tarixində ilk dəfədir prezidentlik uğrunda əsas mübarizə iki qadın arasında gedir.
Sorğularda ölkənin hazırkı prezidenti Andres Manuel Lopez Obradorun (hansı ki, Konstitusiyaya görə ikinci müddətə namizəd ola bilməz) dəstəyi ilə Sigamos Haciendo Historia ("Tarix yaratmağa davam edək") blokundan seçkilərə gedən keçmiş Meksika meri Claudia Şeynbaum liderlik edir .
61 yaşlı Şeynbaum Mexikoda yəhudi ailəsində böyüyüb, ilk dəfə fizik kimi şöhrət qazanıb və 2007-ci ildə İqlim Dəyişikliyi üzrə Hökumətlərarası Panelin üzvü kimi kollektivlə birlikdə Nobel Sülh Mükafatına layiq görülüb... 
İkinci ən populyar prezidentliyə namizəd-siyasətçi və iş adamı Human Xochitl Galvez - anketlərə görə Şeynbaumdan 17 faiz geri qalır. Onun da 61 yaşı var.
1999-cu ildə Davosda keçirilən Ümumdünya İqtisadi Forumu onu “Sabahın Dünyasının 100 Qlobal Lideri”ndən biri adlandırmışdı. 2018-2023-cü illərdə Galvez Meksika Konqresində senator vəzifəsində çalışıb...
Seçicilər prezidentdən əlavə bazar günü Konqresin hər iki palatasında qanunvericiləri, Mexiko şəhərinin yeni merini və səkkiz ştatın qubernatorunu seçəcəklər.
Qeyd edək ki, iyunun 2-də Latın Amerikasının ikinci ən böyük iqtisadiyyatına malik ölkdə seçkilər keçiriləcək. Meksikada 100 milyona yaxın qeydə alınmış seçici var.
Meksika Konstitusiyasına görə, prezident ikinci tur olmadan birbaşa bir turda seçilir.
Senzor.az
