Tatarıstanda pilotsuz uçuş aparatı (PUA) təhlükəsi ilə bağlı Kazan və Nijnekamsk hava limanlarında uçuşlar dayandırılıb.
Senzor.az Rusiya mediasına istinadən xəbər verir ki, hazırda Kazanda hava hücumu təhlükəsi ilə bağlı siren səsləri eşidilir.
Buna səbəb Tatarıstan səmasında PUA görünməsi olub.
Bununla yanaşı, respublikada bir neçə müəssisədə işçilərin təxliyəsi də həyata keçirilir.
Rusiyanın teleqram kanallarında sözügedən PUA-nın Ukraynaya məxsus olduğu barədə məlumat və dronun görüntüləri yayılıb.
Bu arada Rusiya Müdafiə Nazirliyi bu gün səhər saatlarında ölkənin hava hücumundan müdafiə vasitələrinin Tatarıstan ərazisi üzərində Ukraynaya məxsus təyyarə tipli PUA zərərsizləşdirdiyi barədə məlumat yayıb.
