Futbol üzrə Azərbaycan Kubokunun qalibi bəlli olub.
Senzor.az xatırladır ki, “Liv Bona Dea Arena”da keçirilən final matçında “Qarabağ” və “Zirə” komandaları üz-üzə gəlib.
Görüş Ağdam təmsilçisinin 2:1 hesablı qələbəsi ilə yekunlaşıb.
Hesabı 42-ci dəqiqədə Olavio Juninyo açıb. 57-ci dəqiqə İsmayıl İbrahimli hesabı bərabərləşdirib. “Qarabağ”a kuboku qazandıran qola 62-ci dəqiqədə Abdullah Zubir imza atıb.
Bununla da Ağdam klubu 8-ci dəfə Azərbaycan Kubokunun qalibi olub.
**09:57
Futbol üzrə Azərbaycan Kubokunun qalibi bu gün bəlli olacaq.
Senzor.az bildirir ki, finalda Rəşad Sadıqovun "Zirə" və Qurban Qurbanovun "Qarabağ" komandaları üz-üzə gələcəklər.
"Liv Bona Dea Arena"da keçiriləcək qarşılaşma saat 20:00-da start götürəcək.
Qeyd edək ki, "Qarabağ" 83 xalla Azərbaycan Premyer Liqasının qalibi olub. 58 xal toplayan "Zirə" mövsümü ikinci sırada bitirib.
