Rusiya Federasiyası Təhlükəsizlik Şurasının (TŞ) katibi Sergey Şoyqu hərbi-sənaye kompleksində işləri koordinasiya edəcək.
Senzor.az yerli KİV-ə istinadən bildirir ki, bunu Rusiya Prezidenti Vladimir Putin deyib.
“Məsələlər çox müxtəlif olduğundan istehsalın rentabelliyini nəzərə almaq, Müdafiə Nazirliyinin müvafiq avadanlıq almasını təmin etmək lazımdır. Burada bütün bu işlərin müstəqil koordinatoru lazımdır. Bu koordinator Təhlükəsizlik Şurasının katibi olacaq”, - deyə dövlət başçısı bildirib.
Qeyd edək ki, Rusiya Prezidentinin müvafiq əmri ilə Sergey Şoyqu müdafiə naziri vəzifəsindən çıxarılaraq TŞ-nin katibi təyin edilib. Müdafiə Nazirliyinin rəhbərliyinə isə Andrey Belousov gətirilib.
