Yerli mənbələrdən alınan məlumata görə, İsrail ordusu döyüş təyyarələri və artilleriya atəşinin müşayiəti ilə qurudan Əl-Bureyc Qaçqınlar Düşərgəsinə daxil olmağa çalışır.

Senzor.az bildirir ki, bu barədə Türkiyə KİV-i məlumat yayıb.

İsrail ordusundan verilən açıqlamada da döyüş təyyarələrinin Əl-Bureyc Qaçqınlar Düşərgəsinə hücum etdiyi bildirilib.

Açıqlamada hava zərbələrinin "Həmas hədəflərinə cəmləndiyi" və eyni zamanda İsrail ordusunun kəşfiyyat təlimatları işığında Büreycdə qurudan "həssas əməliyyat" həyata keçirdiyi iddia edilib.

Bölgədəki türk jurnalistlərin hadisə şahidlərindən aldıqları məlumata görə, İsrail ordusu Büreyc girişi ilə eyni vaxtda hava hücumları və artilleriya atəşi də həyata keçirir.

Büreyc yaxınlığındakı Əl-Maqazi Qaçqınlar Düşərgəsi də uzun müddət İsrail artilleriyası tərəfindən intensiv bombardmana məruz qalıb.

Səhiyyə Nazirliyinin verdiyi yazılı açıqlamaya görə, İsrail ordusunun Qəzzada Əl-Bureyc və Əl-Meğazi qaçqın düşərgələrinə təşkil etdiyi hücumlarda 15 fələstinli həyatını itirib, onlarla fələstinli yaralanıb.

Senzor.az