Almaniyada keçirilən futbol üzrə Avropa çempionatının qrup mərhələsinin III turunun Xorvatiya - İtaliya görüşü başa çatıb.
Senzor.az bildirir ki, B qrupunun oyunu 1:1 hesablı heç-heçə ilə yekunlaşıb.
Qarşılaşmada hesabı xorvatlardan 55-ci dəqiqədə Luka Modriç açıb. İtalyanların heyətində Mattia Cakkani fərqlənib. O, bərabərlik qolunu 90+ 8-ci dəqiqədə vurub.
Son dəqiqədə vurulan qol sayəsində xallarının sayını 4-ə çatdıran İtaliya millisi qrupda ikinci yeri tutaraq 1/8 finala vəsiqə qazanıb.
III turun digər görüşündə iki qələbə ilə qrupda 1-ci yeri təmin edən İspaniya Albaniyanı da məğlub edib. Ferran Torresin 13-cü dəqiqədə vurduğu qol yeganə olub. 
1/8 finala vəsiqəni daha əvvəl təmin edən ispanlar B qrupunda xallarının sayını 9-a çatdıraraq maksimum nəticə göstəriblər.
**00:14
Almaniyada keçirilən futbol üzrə Avropa çempionatının qrup mərhələsinin III turunun Xorvatiya - İtaliya görüşündə hesab açılıb.
Senzor.az bildirir ki, B qrupunun oyununda xorvatlar hesabda önə çxııblar.
55-ci dəqiqədə Luka Modriç fərqlənib. 
**23:45 (24.06.2024)
Almaniyada keçirilən futbol üzrə Avropa çempionatının qrup mərhələsinin III turunun Xorvatiya - İtaliya görüşündə birinci hissə başa çatıb.
Senzor.az bildirir ki, , B qrupunun oyununda ilk yarıdan sonra hesab açılmayıb.
**23:04
Almaniyada keçirilən futbol üzrə Avropa çempionatının qrup mərhələsinin III turunun Xorvatiya - İtaliya görüşü start götürüb.
Senzor.az bildirir ki, B qrupunun oyunu Leyptsiqdəki "Red Bull Arena"da keçirilir.
Qeyd edək ki, qarşılaşmanı niderlandlı baş hakim Denni Makkeli idarə edir.
**09:42
Almaniyada təşkil olunan Avropa çempionatının qrup mərhələsində III turun növbəti görüşləri keçiriləcək.
Senzor.az bildirir ki, bu gün B qrupunda mübarizəyə yekun vuruluacaq.
Düsseldorfda Albaniya 1/8 finalı özü üçün təmin edən İspaniya ilə qarşılaşacaq. Ötən tur Xorvatiya ilə heç-heçə edən albaniyalılar sürprizə ümid edir.
Gecənin digər oyunu isə Leyptsiq şəhərində gerçəkləşəcək. Ötən tur İspaniyaya məğlub olan İtaliya Xorvatiyanın müqavimətini qırmağa çalışacaq. Qələbə Luçano Spalettinin komandasını növbəti tura daşıyacaq.
Hər iki matç Bakı vaxtı ilə saat 23:00-da start götürəcək.
