Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında telefon danışığı olub.
Senzor.az Türkiyə mətbuatına istinadən bildirir ki, dövlət başçıları iyunun 23-də Rusiyanın Dağıstan Respublikasında törədilən terror aktlarını müzakirə ediblər.
Bildirilib ki, R.T.Ərdoğan görüş zamanı Türkiyənin hər cür terrora qarşı olduğunu və hücumları nifrətlə qınadığını ifadə edərək həyatını itirənlərə görə Rusiya xalqına başsağlığı verib, yaralılara tezliklə şəfa diləyib.
Ərdoğan Türkiyənin bölgədəki bütün münaqişələrə son qoymaq üçün səylərini davam etdirəcəyini vurğulayıb.
Vladimir Putin başsağlığı və ifadə edilən dəstəyə görə təşəkkür edib. Liderlər terrorla mübarizə sahəsində fəaliyyətlərin sıx əlaqələndirilməsini davam etdirmək barədə razılığa gəliblər.
