Türkiyə Prezidenti Rəcəb Tayyib Ərdoğanın Suriya Prezidenti Əhməd əl Şaraa ilə telefon danışığı olub.
Senzor.az Türkiyə mediasına istinadən bildirir ki, liderlər İsrailin hücumlarından sonra Suriyadakı son vəziyyəti müzakirə ediblər.
Məlumata görə, Prezident Ərdoğan danışıq zamanı İsrailin Suriyaya qarşı hücumlarının qəbuledilməz olduğunu, bu hadisənin bütün region üçün təhlükə yaratdığını, Türkiyənin indiyə qədər olduğu kimi bundan sonra da Suriya xalqına dəstək verməyə davam edəcəyini bildirib.
O, Suriyada druzlarla əldə edilən atəşkəsin Türkiyə tərəfindən məmnuniyyətlə qarşılandığını qeyd edib.
Əhməd əl-Şaraa Suriyada siyasi birliyin qorunması, ərazi bütövlüyünün təmini və suverenliyin mühafizə edilməsinə dəstəkləri üçün Prezident Ərdoğana təşəkkürlərini bildirib.
