ABŞ-ın maliyyə naziri Skott Bessent Rusiya və İran neftini alan ölkələri hədələyib.
ABŞ Prezidenti Donald Tramp bir həftə əvvəl bəyan etmişdi ki, Rusiyadan neft alan ölkələr sentyabrın əvvəlinə qədər Ukraynada sülh nizamlanmasına başlamağa razılıq verməsələr, ondan neft alan ölkələrə 100% rüsum tətbiq edə bilər. Bessent tarifləri Çinlə ticarət razılaşması ilə bağlı müzakirələrə daxil edəcəyinə söz verib və Avropanı da onlardan silah kimi istifadə etməyə çağırıb.
İyunun sonunda ABŞ və Çin ticarət atəşkəsi elan etdilər - bu, əvvəllər əldə etdikləri əsas razılaşmalara əsaslanan bir razılaşmadır. Daha əhatəli ticarət razılaşması üzrə danışıqlara hazırlıq gedir və onlar "çox yaxşı mərhələdədir" deyən Bessent CNBC-yə bildirib: "Və məncə, biz indi başqa şeylər haqqında danışmağa başlaya bilərik. Təəssüf ki, çinlilər sanksiyalara məruz qalmış İran neftinin, sanksiya tətbiq edilən Rusiya neftinin çox böyük alıcılarıdır - ona görə də biz də bu barədə danışmağa başlaya bilərik".
O, xəbərdarlıq edib ki, “sanksiyaya məruz qalmış Rusiya neftini alan istənilən ölkə” Trampın elan etdiyi 100% tarifləri gözləyə bilər və bu, ikinci dərəcəli tariflərin Vaşinqtonun əsas sanksiyalar vasitəsinə çevrildiyini göstərir.
