Ukrayna Prezidenti Volodimir Zelenski Rusiya ilə danışıqlar üçün nümayəndə heyətinin formalaşdırılması ilə bağlı tapşırıq verib.
Senzor.az yerli KİV-ə istinadən bildirir ki, Ukrayna nümayəndə heyətinə Milli Təhlükəsizlik və Müdafiə Şurasının katibi Rüstəm Umerov rəhbərlik edəcək.
Nümayəndə heyətinə Ukrayna kəşfiyyatı, Xarici İşlər Nazirliyi və Prezident Ofisinin nümayəndələri daxil olacaqlar.
Qeyd edək ki, Ukrayna nümayəndə heyətinin Rusiya tərəfi ilə növbəti danışıqları iyulun 23-də Türkiyədə keçiriləcək.
