Rusiya Prezidenti Vladimir Putin İsrailin Baş naziri Benyamin Netanyahu ilə telefon danışığı aparıb.
Senzor.az yerli KİV-ə istinadən bildirir ki, bu barədə Kreml məlumat yayıb.
Məlumata görə, söhbət zamanı Yaxın Şərqdəki gərgin vəziyyətin müxtəlif aspektləri müzakirə olunub.
Vladimir Putin Suriyanın suverenliyi və ərazi bütövlüyünün qorunmasının önəmini qeyd edib.
Rusiya lideri ölkədəki etnik və dini qrupların qanuni hüquqlarının təmin olunması yolu ilə daxili sabitliyin möhkəmləndirilməsinə dəstək verdiklərini bildirib.
İran-İsrail qarşıdurmasının kəskinləşməsi fonunda Putin İranın nüvə proqramı ətrafında diplomatik həll yollarının axtarışına yardım etməyə hazır olduğunu bildirib.
Tərəflər beynəlxalq və ikitərəfli gündəlikdəki aktual məsələlər üzrə dialoqun davam etdirilməsi barədə razılığa gəliblər.
