Türkiyənin daxili işlər naziri Ali Yerlikaya ölkənin 14 vilayətini əhatə edən növbəti antiterror əməliyyatı barədə məlumat verib.
Senzor.az bildirir ki, əməliyyat zamanı hüquq-mühafizə orqanlarının əməkdaşları İŞİD terror təşkilatı ilə əlaqədə şübhəli bilinən 26 nəfəri saxlayıblar.
Nazirin sözlərinə görə, əməliyyat Ankara, Kahramanmaraş, Mersin, Adana, İstanbul və Kayseri vilayətlərini əhatə edib. Şübhəlilər sosial şəbəkələrdə qadağan olunmuş təşkilatların ideyalarını təbliğ etməkdə və terrorçuluğu maliyyələşdirməkdə ittiham olunurlar.
Daxili işlər naziri milli təhlükəsizliyin və asayişin təmin edilməsində xidmətlərinə görə polis və jandarm əməkdaşlarını təbrik edib.
