Ukraynanın pilotsuz təyyarələrinin zərbələri nəticəsində Krım ərazisində Rusiyanın bir qırıcısı məhv edilib, daha dördü isə zədələnib.
Senzor.az bildirir ki, Ukrayna Təhlükəsizlik Xidmətinin yaydığı məlumatda belə deyilir.
Məlumatda qeyd olunub ki, hədəflər işğal olunmuş Krımda "Saki" hərbi aerodromuna gecə zərbə endirilməsi nəticəsində vurulub.
"Bir “Su-30SM” qırıcısı tamamilə məhv edilib, daha biri isə zədələnib. Bundan başqa, üç “Su-24” bombardmançı təyyarəsi vurulub ", - məlumatda vurğulanıb.
"Saki" aerodromu Qara dənizdə Rusiya aviasiyasının əməliyyatları üçün əsas baza hesab olunur.
Qiymətləndirmələrə görə, bir “Su-30SM” təyyarəsinin dəyəri 35-50 milyon dollar arasında dəyişir.
