ABŞ Prezidenti Donald Tramp bu ilin payızında keçiriləcək QUAD sammiti (Dördtərəfli Təhlükəsizlik Dialoqu) üçün Hindistana səfərini ləğv edib.
Bu barədə "New York Times" dövlət başçısının iş qrafiki ilə tanış olan mənbələrə istinadən yazır.
Nəşrin məlumatına görə, Tramp Hindistanın Baş naziri Narendra Modini sammitdə iştirak etmək niyyəti barədə məlumatlandırıb, lakin sonra planlarını yenidən nəzərdən keçirib.
Bu qərarın səbəbləri açıqlanmır.
Qeyd edək ki, Dördtərəfli Təhlükəsizlik Dialoqu (Quad/QUAD) Avstraliya, Hindistan, ABŞ və Yaponiya arasında Hind-Sakit okean regionunda təhlükəsizlik məsələləri üzrə strateji dialoqdur. QUAD-ın qeyri-rəsmi məqsədi regionda Çinin ambisiyalarını cilovlamaqdır.
