Rusiya və Azərbaycan prezidentləri Vladimir Putin və İlham Əliyev Çində keçirilən ŞƏT sammiti çərçivəsində 1 sentyabrda görüşə bilərlər.
Senzor.az bildirir ki, bu ehtimalı Rusiya Prezidentinin mətbuat katibi Dmitri Peskov səsləndirib.
O bildirib ki, liderlərin sammit zamanı görüşmək imkanı ola bilər. Kremlin nümayəndəsi əlavə edib ki, gələcəkdə də onların görüşmək fürsəti olacaq.
Daha əvvəl Peskov qeyd edib ki, əgər sammit çərçivəsində görüş planlaşdırılsa, ictimaiyyətə məlumat veriləcək.
Rusiya Prezidentin köməkçisi Yuri Uşakov isə Pekin səfəri zamanı ayrıca görüş barədə razılaşma olmadığını deyib. Amma onu da vurğulayıb ki, buna baxmayaraq, Rusiya və Azərbaycan nümayəndə heyətlərinin üzvləri artıq əlaqə saxlayıblar...
