Türkiyə və Ermənistan ilk dəfə nümayəndə heyəti səviyyəsində görüş keçirəcək.
Türkiyə mediası xəbər verir ki, görüş gələn həftənin əvvəlində baş tutacaq.
Türkiyə tərəfdən nümayəndə heyətinə Ermənistanla münasibətlərin normallaşdırılması üzrə xüsusi nümayəndə Serdar Kılıç rəhbərlik edəcək. Nümayəndə heyəti Alican sərhəd-keçid mənətəqəsindən keçərək Ermənistana səfər edəcək. İkitərəfli münasibətlərin normallaşdırılması ilə bağlı bəzi qərarların qəbulu, həmçinin əvvəllər qəbul edilmiş qərarların icrasının müzakirəsi planlaşdırılır.
