Türkiyə Prezidenti Rəcəb Tayyib Ərdoğan Çində Rusiya Prezidentinin mətbuat katibi Dmitri Peskovu türk dilində salamlayıb.
Söhbətin görüntülərini jurnalist Pavel Zarubin öz “Telegram” kanalında yayımlayıb.
Rusiya Prezidenti Vladimir Putinlə danışıqlardan əvvəl Ərdoğan Peskovu salamlayıb. "Peskov! Necəsən? Yaxşısan?" – deyə Türkiyə lideri soruşub.
Putinin mətbuat katibi də Türkiyə Prezidentinə türkcə cavab verib.
Bir neçə xarici dildə sərbəst danışan Peskov Türkiyə lideri Ərdoğanın səfərləri zamanı tərcüməçi xidmətlərindən istifadə etmir. O, Moskva Dövlət Universitetinin Asiya və Asiyaşünaslıq İnstitutunu “tarixçi-şərqşünas”, “referent-tərcüməçi” ixtisasları üzrə bitirib. 1996-2000-ci illərdə Rusiyanın Türkiyədəki səfirliyinin əvvəlcə ikinci, sonra isə birinci katibi olub. 1999-cu ilin noyabrında Avropada Təhlükəsizlik və Əməkdaşlıq Təşkilatının İstanbul sammiti zamanı Rusiya Federasiyasının Prezidenti Boris Yeltsinin türk dilindən tərcüməçisi olub.
