İsrail Hərbi Hava qüvvələri Qətərin paytaxtı Dohada HƏMAS-ın yüksək səviyyəli rəhbərliyinə qarşı məqsədyönlü hücum həyata keçirib.
Senzor.az yerli KİV-ə istinadən bildirir ki, İsrail ordusunun (ÇAXAL) və Ümumi Təhlükəsizkik Xidmətinin birgə bəyanatında belə deyilir.
Rəsmi açıqlamada zərbənin “illərdir terror təşkilatının fəaliyyətinə rəhbərlik edən və 7 oktyabr qırğınının təşkilində və İsrail dövlətinə qarşı müharibənin aparılmasında bilavasitə məsuliyyət daşıyanlara” yönəldiyi bildirilib.
“Hücumdan əvvəl, dəqiq silahların istifadəsi və əlavə kəşfiyyat məlumatları da nəzərə alınmaqla, əlaqəsi olmayan şəxslərə dəyən zərərin minimuma endirilməsi üçün tədbirlər görülüb”, - ÇAXAL-ın mətbuat xidməti vurğulayıb.
Qətərin “Əl-Ərəbi” telekanalının məlumatına əsasən, hücum nəticəsində HƏMAS lideri Xəlil əl-Hayenin ofisi dağıdılıb.
"Əl-Cəzirə" isə HAMAS-a istinadən Xəlil əl-Hayyanın rəhbərlik etdiyi yüksək səviyyəli nümayəndə heyətinin İsrailin hücumundan sağ çıxdığı barədə məlumat yayıb.
