Türkiyə Prezidenti Rəcəb Tayyib Ərdoğan Türkmənistan Prezidenti Sərdar Berdiməhəmmədova ad günü münasibətilə təbrik məktubu göndərib.
Senzor.az yerli KİV-ə istinadən bildirir ki, Türkiyə lideri məktubunda bir sıra məsələlərlə yanaşı, türkmən həmkarının diqqətini Türk Dövlətləri Təşkilatı çərçivəsində əməkdaşlığa da çəkib.
“Xalqlarımız arasında ortaq dil, tarix və mədəni köklərə söykənən qədim dostluq və qardaşlıq münasibətlərinin daha da möhkəmlənməsi ilə qürur duyuram. İnanıram ki, birgə səylər nəticəsində əməkdaşlığımız həm ikitərəfli, həm də çoxtərəfli, o cümlədən Türk Dövlətləri Təşkilatı çərçivəsində daha da inkişaf etdiriləcək”, - Ərdoğan bildirib.
Qeyd edək ki, Türkmənistan Türk Dövlətləri Təşkilatında müşahidəçi statusunda çıxış edir.
