Ermənistan parlamentinin binası qarşısında Baş nazir Nikol Paşinyanın impiçment yolu ilə istefasının tələb olunduğu etiraz aksiyası keçirilir.
Yerli KİV bildirir ki, paralel olaraq parlamentdə müxalif “Şərəfim var” fraksiyasının təqdim etdiyi bəyanat layihəsinin müzakirəsi gedir.
Aksiya iştirakçıları bildiriblər ki, Paşinyanın hakimiyyətdə qalmasına icazə vermək olmaz və onu 2026-cı il parlament seçkilərinə qədər dəyişmək lazımdır. Onların fikrincə, bu məqsədə çatmağın ən təsirli yolu parlamentdə impiçment prosedurudur.
Ermənistan parlamentinin spikeri Alen Simonyan isə qeyd edib ki, sabah da seçkilərə gedə bilərlər, lakin buna ehtiyac yoxdur.
Eyni zamanda, o, müxalifətin Baş nazirə etimadsızlığı ilə bağlı dinləmələrdə yarıboş zala işarə edib.
İclasın aparıcısı Ayk Mamidjanyan daha əvvəl bildirib ki, 300-ə yaxın insan müzakirələrdə iştirak etmək istəyib.
“Ancaq salonda cəmi 160 yer var”, - parlamentin spikeri bildirib. Beləliklə, Simonyan dolayı yolla müxalifətin fəallığını və dəstəyini şübhə altına alıb.
