Fələstinin HƏMAS hərəkatı İsrail ordusunun Qəzza sektorunda atəşkəs rejimini pozmayacağına və hərbi əməliyyatlara yenidən başlamayacağına dair beynəlxalq vasitəçilərdən zəmanət aldığını bəyan edib.
Reuters agentliyi bu barədə HƏMAS hərəkatına yaxın mənbəyinə istinadla məlumat yayıb.
Məlumata əsasən, zəmanət ABŞ, Qətər və Misir nümayəndələrinin iştirakı ilə aparılan danışıqlardan sonra verilib.
HƏMAS nümayəndəsinin sözlərinə görə, bu, atəşkəs sazişinin icrasının əsas şərtlərindən biridir və tərəflər arasında etimadın formalaşmasına xidmət edir.
Qeyd edək ki, bir müddət öncə HƏMAS hərəkatı ilə İsrail arasında ABŞ Prezidenti Donald Trampın təşəbbüsü ilə sülh planının birinci mərhələsinə dair razılıq əldə olunub.
