ATƏT sədri Elina Valtonenin Gürcüstanın Baş naziri İrakli Kobaxidze ilə görüşü Finlandiyanın təşəbbüsü ilə ləğv olunub.
Bunu Finlandiyanın “Helsingin Sanomat” nəşri yazıb.
Nəşr iddia edir ki, planlaşdırılmış görüş Gürcüstan tərəfinin təşəbbüsü ilə deyil, qrafikin dəyişməsi səbəbindən Finlandiya tərəfindən ləğv edilib və bu barədə qarşı tərəf ötən gecə məlumatlandırılıb.
“Valtonen Gürcüstan hökumətinin onun hər hansı bir askiyada iştirakı və yalan informasiya yayması ilə bağlı bəyanatını qəbul etmir. O, baş nazirlə görüşü Azərbaycana getmək üçün ləğv etməli olub”, - nəşr qeyd edib.
**11:43
Gürcüstanın Baş naziri İrakli Kobaxidze ATƏT-in fəaliyyətdə olan sədri, Finlandiyanın xarici işlər naziri Elina Valtonenlə planlaşdırılmış görüşü ləğv edib.
Senzor.az yerli KİV-ə istinadən bildirir ki, bu barədə Gürcüstan hökumətindən məlumat verilib.
"Qərar Elina Valtonenin qeyri-qanuni mitinqdə iştirakı və yalan bəyanatlar yayılması səbəbindən qəbul edilib", - deyə məlumatda bildirilib.
Qeyd edək ki, ötən gün Elina Valtonen Tbilisidə Gürcüstan parlamenti qarşısında etirazçılarla görüşüb.
