İsrailin Baş naziri Benyamin Netanyahu hakimlərdən onun dinlənilməsinin müddətinin qısaldılmasını istəyib.

“The Times of Israel” xəbər verir ki, Netanyahu öskürək və soyuqdəymədən şikayətlənərək özünü yaxşı hiss etmədiyini bildirib, buna görə hakimlərdən məhkəmə prosesinin müddətinin azaldılmasını xahiş edib.

Hakimlər onun xahişini qəbul ediblər.

Neyanyahu həkimlərin ona bir neçə günlük istirahət məsləhət gördüklərini bildirib.

Senzor.az xatırladır ki, B.Netanyahu üç korrupsiya işində ittiham olunur. Bunlar arasında təqribən 213 min dollar dəyərində qanunsuz hədiyyələr qəbul etmək də var. Təl-Əviv və Yerusəlimdə məhkəmə prosesləri 2020-ci ildən davam edir. Netanyahu özünü həmin işlər üzrə təqsirli bilmir.

Yeri gəlmişkən, ABŞ Prezidenti Donald Tramp iki gün əvvəl Knessetdə çıxış edərkən Benyamin Netanyahunu “ən yaxşı müharibə dövrü lideri adlandırmış və Prezident İshak Hersoqdan onu əfv etməsini xahiş etmişdi...