Almaniya Xarici İşlər Nazirliyi (XİN) Gürcüstandakı səfiri Peter Fişeri məsləhətləşmələr üçün geri çağırıb.
Senzor.az bildirir ki, bu barədə Almaniya XİN-in “X” platformasındakı rəsmi səhifəsində məlumat verilib.
Məlumatda Almaniya Xarici İşlər Nazirliyinin Gürcüstan ilə münasibətlərdə bundan sonrakı addımları müzakirə etmək məqsədilə məsləhətləşmələr aparmaq üçün səfir Peter Fişeri geri çağırmaq qərarına gəldiyi qeyd olunub.
Bundan başqa, sabah Avropa İttifaqı Xarici İşlər Nazirləri Şurasının toplantısının gündəliyinə Gürcüstanla bağlı məsələnin də daxil ediləcəyi vurğulanıb.
