İsrailin Baş naziri Benyamin Netanyahu Yerusəlimdə (Qüds) Misir kəşfiyyatının rəhbəri Həsən Mahmud Rəşad ilə ABŞ Prezidenti Donald Trampın Qəzza sülh planının həyata keçirilməsi və ikitərəfli münasibətləri müzakirə edib.
Senzor.az yerli KİV-ə istinadən bildirir ki, bu barədə Baş nazirin mətbuat xidməti məlumat yayıb.
“Baş nazir Benyamin Netanyahu və onun mütəxəssis komandası Yerusəlimdə Misir kəşfiyyatının rəhbəri ilə görüş keçirib”, - məlumatda bildirilir.
Baş nazirin mətbuat xidməti əlavə edib ki, tərəflər Trampın Qəzza zolağında nizamlanma planının irəliləyişi, İsrail-Misir münasibətləri və iki ölkə arasında sülhün möhkəmləndirilməsi, həmçinin regional məsələləri müzakirə ediblər.
