Ermənistan müdafiə naziri Suren Papikyan Azərbaycanla həmsərhəd ərazilərdə yeni inşa edilən möhkəmləndirilmiş beton istehkamlara baş çəkib.

Modern.az xəbər verir ki, Ermənistan Müdafiə Nazirliyinin məlumatına görə, Papikyan ərazidə aparılan işlərlə tanış olub və tikinti prosesinin gedişatını izləyib.

Nazirə görülən işlər, tikinti prosesinin hazırkı vəziyyəti və ərazinin müdafiə imkanlarının artırılması istiqamətində həyata keçirilən tədbirlər barədə məruzə olunub.

Ermənistan son illərdə Azərbaycanla sərhəd boyunca hərbi infrastrukturunun gücləndirilməsi istiqamətində müxtəlif layihələr həyata keçirir. Bu çərçivədə yeni mövqelərin yaradılması, mühəndis qurğularının inşası və sərhəd xəttində beton istehkamların yaradılması işləri aparılır.