Azərbaycanda tank və piyada əleyhinə mina axtaran texnika və robot istehsal edilib.
Senzor.az bildirir ki, maşınlar "Protex industries" şirkəti tərəfindən istehsal olunub.
Yeni minaaxtaran texnikalar Bakıda keçirilən "ADEX 2022" dördüncü Azərbaycan Beynəlxalq müdafiə sərgisi və “Securex Caspian” 13-cü Beynəlxalq Daxili Təhlükəsizlik, Mühafizə və Xilasetmə sərgisində nümayiş olunur.
Mina aşkarlayan robot piyada və tank əleyhinə minaların zərərsizləşdirilməsi üçün nəzərdə tutulub. O, artıq ötən həftə işğaldan azad olunan torpaqlarda uğurla sınaqdan keçirilib.
Mina aşkarlayan robot təhlükəsiz zolaq aça, 500 kq-a qədər faydalı yük daşıya və yaralıları təxliyə edə bilir.
