Ənənəyə uyğun olaraq, buradan (Şimali Kipr Türk Respublikasından) Azərbaycana gedəcəyəm.
Bu barədə Türkiyə Prezidenti Rəcəb Tayyib Ərdoğan Şimali Kipr Türk Respublikasının Prezidenti Ersin Tatarla birgə mətbuat konfransı zamanı bildirib.
O qeyd edib ki, Azərbaycanda bir sıra görüşlər keçirəcək.
**17:25
Türkiyə Prezidenti Rəcəb Tayyib Ərdoğanla Şimali Kipr Türk Respublikasının Prezidenti Ersin Tatar arasında görüş olub.
Bu barədə Türkiyə dövlət başçısının mətbuat xidmətindən bildirilib.
Onların hansı məsələləri müzakirə etdikləri açıqlanmayıb.
Qeyd edək ki, Ərdoğan Şimali Kiprdə səfərdədir.
**10:14
Türkiyə Prezidenti Rəcəb Tayyib Ərdoğan bu gün Şimali Kipr Türk Respublikasına səfər edəcək.
Bu barədə “TRT Haber” məlumat yayıb.
Ərdoğan Şimali Kipr Türk Respublikasının Prezidenti Ersin Tatarla görüşəcək. Onun, Türkiyənin Kipr problemi və Şərqi Aralıq dənizindəki yol xəritəsi ilə bağlı çıxış edəcəyi gözlənilir.
Qeyd olunub ki, Türkiyə liderinin xaricə səfərləri bu gündən başlayır.
Həmçinin əlavə olunub ki, Ərdoğan sabah Azərbaycana səfər edəcək.
