Naxçıvanda Şahbuz rayonu ərazisində ağır yol-nəqliyyat hadisəsi baş verib.
Senzor.az bildirir ki, hadisə rayonun Gömür kəndi ərazisində qeydə alınıb.
Dağlıq ərazidə hərəkətdə olan 68-BE-050 dövlət nömrə nişanlı "Toyata Prado" markalı avtomobilin aşması nəticəsində Şərur rayonu Oğlanqala kənd sakinləri - 1975-ci il təvəllüdlü Abdullayev Nazim Əyyub oğlu, onun qızı - 2017-ci il təvəllüdlü Abdullayeva Firuzə Nazim qızı və 2006-cı il təvəllüdlü Şıxəliyev Pərvin Vüsal oğlu həyatlarını itiriblər.
Qəza nəticəsində 2025-ci il təvəllüdlü Şıxəliyeva Validə Elvin qızı, 2025-ci il təvəllüdlü Abdullayev Rəhman Sərraf oğlu, 2004-cü il təvəllüdlü İsmayılova Nəzrin Nazim qızı, 2025-ci təvəllüdlü İsmayılov Uğur İslam oğlu, 1985-ci təvəllüdlü Abdullayev Sərraf Rəhim oğlu, 2010-cu il təvəllüdlü Abdullayeva Ceyran Sərraf qızı, 2016-cı il təvəllüdlü Şıxəliyeva Fatimə Vüsal qızı, 1983-cü il təvəllüdlü Abdullayeva Vüsalə İsax qızı və 2014-cü il təvəllüdlü Şıxəliyev Gündüz Elvin oğlu xəsarət alıblar.
Xəsarət alan və ölənlər polis əməkdaşları tərəfindən qəza zonasından çıxarılaraq Naxçıvan Muxtar Respublika Xəstəxanasına çatdırılıblar. Onlardan iki nəfərin vəziyyətinin ağır olduğu bildirilir (Bax:https://www.youtube.com/shorts/zRi5hJjnczY).
Faktla bağlı müvafiq orqanlar tərəfindən araşdırma aparılır.
