İyulun 3-dən etibarən "Azərbaycan Dəmir Yolları” QSC-yə məxsus sürətli “Ştadler” sərnişin qatarları Bakı-Ağstafa-Bakı marşrutu üzrə yeni hərəkət qrafikinə uyğun olaraq Bakı Dəmir Yolu Vağzalından Ağstafaya hər gün saat 8:45-də yola düşəcək.

ADY-dən Senzor.az-a bildirilib ki, qatar mənzilbaşına saat 13:42-də çatacaq. Əks istiqamətdə saat 18:15-də (əvvəlki qrafik 17:10) Bakıya yola düşən qatar isə Bakı Dəmir Yolu Vağzalına saat 23:15-də çatacaq.

Marşrut üzrə Bakıdan Ağstafaya kimi bir istiqamətə gedişhaqqı standart yerlərdə 17 AZN, Bakı-Tovuz istiqaməti üçün 16 AZN, Bakı-Gəncə istiqaməti üçün isə 15 AZN təşkil edir. Biletləri Dəmir yolu vağzallarının kassalarından və ya ADY-nin rəsmi saytından (https://ticket.ady.az/ticket-search/)

onlayn əldə etmək mümkündür.