Birləşmiş Millətlər Təşkilatı (BMT) Baş Assambleyasının 78-ci sessiyası çərçivəsində iştirak edən Azərbaycanın xarici işlər naziri Ceyhun Bayramov BMT baş katibi Antoniu Quterreşlə görüşüb.
"Report" bildirir ki, nazir öncə BMT-nin xatirə dəftərinə ürək sözlərini yazıb, sonra xatirə fotosu çəkdirilib.
Görüşdə nazir baş katibi regionda mövcud vəziyyət barədə məlumatlandırıb.
Tərəflər, həmçinin BMT və Azərbaycan münasibətlərinin müxtəlif istiqamətlərini, regional məsələləri müzakirə ediblər.
Baş katib bildirib ki, Ermənistanla Azərbaycan arasında sülh anlaşmasının yaxın zamanda reallaşacağına inanır.
