İsraildə hakim koalisiya və müxalifət nümayəndələri Qəzza zolağı ətrafında davam edən döyüşlər fonunda milli birlik hökumətinin yaradılması barədə razılığa gəliblər.

Bu barədə İsrail televiziyasının 13-cü kanalı məlumat yayıb.

Onun tərkibinə keçmiş müdafiə naziri Benni Qants, hazırkı Baş nazir Benyamin Netanyahu və müdafiə naziri Yoav Qalantın qatıldığı deyilir.

**15:16

İsrailin bütün parlament qüvvələri fövqəladə hökumətin yaradılması ilə bağlı razılığa gəliblər.

“Politika strain” Telegram kanalı bildirir ki, keçmiş müdafiə naziri Benni Qantzın “Milli Birlik” müxalifət partiyası istisna olmaqla, bununla bağlı əksər partiyaların razılığı hələ dünən alınıb.

Bu gün isə Benni Qantz İsrail Baş naziri Benyamin Netanyahu ilə görüşüb və bu təşəbbüsə qoşulduğunu bildirib.

İsrail mətbuatında dərc olunan xəbərlərə görə, məhdud sayda nazirlərdən ibarət hərbi kabinetin yaradılması planlaşdırılır. Bu kabinetə müharibənin idarə edilməsi üzrə əsas səlahiyyətlərin verilməsi nəzərdə tutulur.

Xatırladaq ki, daha əvvəl İsrail hökumətindəki koalisiya partiyalarının liderləri baş nazir Benyamin Netanyahuya milli birlik hökuməti qurmağı tapşırıblar. Netanyahu müxalifət liderlərini Fələstinin HƏMAS radikal hərəkatı ilə silahlı münaqişə kontekstində ölkədə milli birlik hökuməti qurmağa dəvət edib.