Türkiyə Prezident Rəcəb Tayyib Ərdoğan Türkmənistan Prezidenti Serdar Berdiməhəmmədovla sənədlərin imzalanması mərasimindən sonra Azərbaycana da aidiyyəti olan açıqlamalar verib.
“Haber Global”ın məlumatına görə, o qeyd edib ki, Türkmənistan qazının dünya bazarlarına çıxarılması üçün Azərbaycanla üçtərəfli əməkdaşlıq vacibdir.
“Türkmənistan enerji ehtiyatlarına görə regionumuzun və dünyanın qabaqcıl ölkələri sırasındadır. Türkmənistan təbii qazının Türkiyə üzərindən dünya bazarlarına tədarükü strateji dəyər qazanıb və burada Azərbaycanla əməkdaşlıq vacibdir”, - dövlət başçısı bildirib.
