Azərbaycana və Rumıniyaya səfər etməkdən çox şadam.

Bu barədə ABŞ Dövlət katibinin köməkçisi Ceyms O’Brayn “X” platformasında bildirib.

O, Azərbaycana səfəri çərçivəsində Cənubi Qafqazda sülhün irəliləməsi ilə bağlı rəsmi şəxslərlə görüşəcəyini vurğulayıb.

Ceyms O’Brayn Rumıniyada isə taxıl ixracı ilə bağlı yüksək vəzifəli şəxslərlə müzakirələr aparacağını qeyd edib.

Qeyd edək ki, Dövlət katibinin Avropa və Avrasiya məsələləri üzrə köməkçisi Ceyms K. O’Brayn dekabrın 6-8-də Bakı və Rumıniyanın Buxarest və Tulça şəhərlərinə səfər edəcək.

**09:40

ABŞ dövlət katibinin Avropa və Avrasiya məsələləri üzrə köməkçisi Ceyms O’Brayen Azərbaycana və Rumıniyaya səfər edəcək.

Senzor.az bildirir ki, Dövlət Departamenti Mətbuat Xidmətinin yaydığı məlumatda belə deyilir.

Səfər 6-8 dekabr tarixləri üçün planlaşdırılıb.

Məlumatda bildirilir ki, o, Bakıda Azərbaycan və Ermənistan arasında ikitərəfli münasibətləri möhkəmləndirmək və sülhü dəstəkləmək məqsədi ilə Azərbaycan rəsmiləri ilə görüşəcək.

Bundan sonra o, Rumıniyaya səfər edəcək.