Türkiyənin Daxili İşlər Nazirliyi sənədsiz silah saxlayanlara və silah qaçaqmalçılarına qarşı keçirilən “Mercek-8” əməliyyatı zamanı 1335 silahın ələ keçirildiyini açıqlayıb.
Senzor.az yerli KİV-ə istinadən bildirir ki, nazir Əli Yerlikaya sosial media hesabından verdiyi açıqlamada, əməliyyatın 72 vilayəti əhatə etdiyini yazıb.
Onun sözlərinə görə, əməliyyatlar zamanı 964 sənədsiz tapança, 30 uzunlüləli tüfəng və 252 sənədsiz ov tüfəngi də daxil olmaqla, cəmi 1335 silah ələ keçirilib, 1558 şübhəli saxlanılıb.
