Güclü qar yağması ilə əlaqədar Gürcüstanın Regional İnkişaf və İnfrastruktur Nazirliyinin Avtomobil Yolları Departamenti qoşqulu və yarımqoşqulu avtomobillər üçün Ermənistan və Türkiyə ilə sərhədə gedən yolları bağlamaq qərarına gəlib.
Senzor.az yerli KİV-ə istinadən bildirir ki, bu barədə idarənin mətbuat xidməti məlumat yayıb.
“Güclü qar və buzla əlaqədar Xaşuri - Axaltsixe - Vale və Axalsixe - Ninosminda beynəlxalq avtomobil yolunda qoşquların və yarımqoşquların hərəkəti qadağan edilib”, - məlumatda bildirilib.
Avtomobil yolları departamenti əlavə edib ki, magistral yollarda tutumu 30 və daha çox nəfər olan avtomobillərin də hərəkəti qadağan edilib, digər avtomobillərin isə hərəkətinə icazə verilib.
