İraqın şimalında 36, Suriyanın şimalında 9 olmaqla ümumilikdə 45 terrorçu zərərsizləşdirilib.
Bu Türkiyə Prezidenti Rəcəb Tayyib Ərdoğanın sədrliyi ilə İraq və Suriyanın şimalında terrorçulara qarşı əməliyyatlarla bağlı keçirilən iclasdan sonra yayılan rəsmi açıqlamada deyilir.
Açıqlamada bildirilir ki, Türkiyə terror təşkilatı və onun havadarlarına qarşı mübarizəni qətiyyətlə davam etdirir: "Bu mübarizə son terrorçu zərərsizləşdirilənə, İraq və Suriyadakı terror bataqlıqları tamamilə qurudulana qədər davam edəcək. Sərhədlərimiz daxilində məhv olmaq həddinə çatan separatçı terror təşkilatı uğurlu sərhəd əməliyyatlarımız nəticəsində çox ağır itkilər verib. Şəhidlərimizin ailələrinə və yaxınlarına, Türkiyə Silahlı Qüvvələri və əziz xalqımıza başsağlığı verirəm. Hücum zamanı yaralanan və müalicəsi davam edən əsgərlərimizə Allahdan şəfa diləyirik”.
Qeyd edək ki, Prezident Rəcəb Tayyib Ərdoğanın qərarı ilə Türkiyənin Təhlükəsizlik Şurasının toplantısı keçirilib.
Toplantıda xarici işlər naziri Hakan Fidan, daxili işlər naziri Ali Yerlikaya, milli müdafiə naziri Yaşar Güler, Baş Qərargah rəisi Metin Gürak, Milli Kəşfiyyat Təşkilatının rəhbəri İbrahim Kalın, Türkiyə Prezidenti Administrasiyasının İctimaiyyətlə əlaqələr idarəsinin rəhbəri Fahrettin Altun, ölkə başçısının xarici siyasət və təhlükəsizlik məsələləri üzrə baş müşaviri Akif Çağatay Kılıç iştirak ediblər.
Xatırladaq ki, yanvarın 12-də İraqın şimalında “Pence-Kilit” əməliyyatı bölgəsində Türkiyə Ordusunun mövqelərinə terrorçuların hücumu zamanı 9 hərbçi şəhid olub.
**18:39
Prezident Rəcəb Tayyib Ərdoğanın qərarı ilə Türkiyənin Təhlükəsizlik Şurasının toplantısı keçirilib.
Yerli KİV xəbər verir ki, mediaya qapalı şəraitdə keçirilən toplantı təxminən bir saat davam edib.
Prezident Ərdoğanın rəhbərliyi ilə keçirilən tədbirdə xarici işlər naziri Hakan Fidan, daxili işlər naziri Ali Yerlikaya, milli müdafiə naziri Yaşar Güler, Baş Qərargah rəisi Metin Gürak, Milli Kəşfiyyat Təşkilatının rəhbəri İbrahim Kalın, Türkiyə Prezidenti Administrasiyasının İctimaiyyətlə əlaqələr idarəsinin rəhbəri Fahrettin Altun, ölkə başçısının xarici siyasət və təhlükəsizlik məsələləri üzrə baş müşaviri Akif Çağatay Kılıç iştirak ediblər.
Görüşdən əvvəl Prezident Rəcəb Tayyib Ərdoğanın Milliyyətçi Hərəkat Partiyasının sədri Dövlət Baxçalı və İYİ Partiyanın sədri Meral Akşenerlə terrorla mübarizə ilə bağlı telefon danışıqları olub.
**10:12
Türkiyə Prezidenti Rəcəb Tayyib Ərdoğanın sədrliyi ilə bu gün Təhlükəsizlik Şurasının iclası keçiriləcək.
Senzor.az bildirir ki, bu barədə “X”də Türkiyə Prezidenti Kommunikasiya İdarəsinin rəhbəri Fəxrəddin Altun məlumat paylaşıb.
O yazıb ki, toplantı bu gün yerli vaxtla saat 14:30-da İstanbuldakı Dolmabaxça sarayında keçiriləcək.
İclasda Türkiyənin xarici işlər naziri Hakan Fidan, daxili işlər naziri Ali Yerlikaya, milli müdafiə naziri Yaşar Gülər, Baş Qərargah rəisi Metin Güler, Milli Kəşfiyyat İdarəsinin (MİT) rəisi İbrahim Kalın iştirak edəcəklər.
Toplantıda terrorla mübarizənin və digər cari məsələlərin müzakirə olunacağı gözlənilir.
