İranın Ermənistandakı səfiri Mehdi Sübhani bu gün Ermənistanın birinci prezidenti Levon Ter-Petrosyanla görüşüb.

Senzor.az erməni mediasına istinadən bildirir ki, görüş iki saat davam edib.

Tərəflər Ermənistan-İran dostluğunun möhkəmləndirilməsi, iqtisadi və mədəni əlaqələrin dərinləşdirilməsi, o cümlədən regional təhlükəsizliyin təmin edilməsi və kommunikasiya marşrutlarının fasiləsiz fəaliyyətinin təmin edilməsi və inkişafı məsələləri ətrafında müzakirə aparıblar.

Görüşdə səfirliyin müşaviri Əli Əsgər Şahamətdar və Ermənistanın birinci prezidentinin Aparat rəhbəri Avetis Avaqyan da iştirak ediblər.